التخطي إلى المحتوى

مواصفات برج الدلو للرجل على الصعيد العاطفي فى الحب والزواج والعلاقات الجنسية، أهم ما يميز رجل الدلو فى عام 2018، تعرف على صفات رجل برج الدلو بالتفصيل الممل مهنياً وعاطفياً وصحياً، مميزات برج الدلو لماغي فرح 2018 فقط وحصرياً عبر موقع مكسولجى

طموح، مفكر، مستقل ومحب للخير.. حلمه انه يخلى الدنيا من حواليه اجمل واحسن مكان للناس كلها.. هو قائد بالفطرة، يعشق الحرية، هو رجل برج الدلو.

رجل برج الدلو زكي جداً، نقدر نقول عليه عبقري، افكاره دايما جديدة وعقليته بتبهر اى حد يقابله، بيحب السفر.. بس يحب انه يسافر أماكن جديدة وغريبة في كل مرة، مبتكر وأصلي، بيهتم بالقضايا الإنسانية، عنده رؤية للمستقبل ومحبوب جداً من الناس اللي حواليه.

برج الدلو.. مواصفات رجل الدلو

1- مفتاح قلبه هو “عقله”:
الرجل الدلو بيقدس المنطق والفكر، عمره مافيه بنت ممكن تعجبه عشان شكله، هو رجل بينجذب جدا للبنت الذكية، المفكرة، صاحبة المبادئ، المحللة، بس مش معني الكلام ده انه لاغي قلبة، لأ بالعكس ده عنده جانب رومانسي قوي جدا وعنده قدرة على العطاء العاطفي بس ده بيبنه لما يتأكد انه فعلا لقي شريكة حياته المناسبة ليه.

2- رومانسى جدا بس مش بالكلام:
من النادر انك تسمعى رجل برج الدلو بيقول كلمة بحبك وبيفضل انه يعبرلك عن مشاعره فى شكل هداي وشيكولاتة وورد وفسح وده لان جزء من شخصيته فيه عدم القدرة على المواجهة والمصارحة بالمشاعر. لما بيحب بيحب بجد وبعمق وممكن يوهب حياته كلها لحبيبته وعلى الرغم من برجه الهوائى اللى بيرفض اى تحكمات لكن لو قابل الحبيبة المثالية ممكن يسبلها مطلق الحرية انها تتحكم فى حياته واستقلاليلته وهيكون مبسوط بكده.

3- شخصية جذابة وغير متوقعه:
شخصية عندها نظرة للمستقبل وعنده قدرة انه يخلق مستقبل أفضل، على الرغم من إن تفكيره بيبقي ديما مبني على المنطق وعنده مبادئ، لكنه في اوقات تانية بيعيش حالة من الرومانسية والتفاؤل، الخليط ده بيخليه بيخليه شخصية جذابة قوي للناس اللي حواليه، صديق وفي وشريك حياة مخلص، عنده دائرة كبيرة جدا من الاصحاب اللى بيشوفوا انه مخلص جد وبيزيد عدد اصحابه بسبب تفاؤله وحبه للحياه ونظرته الجميلة للمستقبل وعشان كده الناس بتحب وجوده في حياتهم.

بما انه شخصية يحمكها العقل والمنطق، في اوقات اتخاذ القررت ممكن يعود يدرس كل الاحتمالات لوقت طول جدا وبعد كدة الناس تتفاجأ بقرار غير متوقع تماما.

4- مدبر ممتاز للفلوس:
مدبر لفلوسه ممتاز من الدرجة الأولى وبيعرف يتحكم فى محفظتة كويس لانه بيتعامل بعقله مش بقلبه فمش بيشترى اى حاجة غير لما تكون مفيدة ومحتاجها بجد وعلى الرغم انه معندوش روح المخاطرة والمغامرة فى الاستثمارات الا انه من فترة للتانية بيحب يجرب حظه فى الاستثمار بعد لما يحسب كل النتايج والمكاسب والخسارة.

5- مبتكر:
شخصية مبتكرة جد وعنده افكار مجنونة وجديدة ملهاش اول من آخر وممكن يلاقى حلول لاى مشكلة، ممكن كمان يقدر يخترع حاجات جديدة محدش فكر فيها قبل كده شخصية عبقرية جد ومفكر ومحلل رائع وبيشوف المستقبل قدامه كأنه بيحصل دلوقتى.

6- غامض:
اللى بيتعامل مع رجل الدلو لازم يتعلم يقرأ افكاره! لانه يعتبر كتلة من الغموض ومبيحبش يتكلم عن مشاعره ويقول هو بيفكر فى ايه وهيكون من الصعب جدا تتوقع معاملاته وتفكيره لانه بيعرف إزاي يخبي مشاعرة كويس وزي ماقلنا قبل كده بيفكر ويحلل كتير قبل ماياخد قراراته ويتصرف في موقف.. ممكن فى لحظة يتغير من مبسوط لزعلان من غير اى سبب واضح. محتاج شريكة تكون عندها تواصل فكري معاه كويس قوي عشان تقدر تتنبأ بقراراته وتصرفاته.

رجل الدلو شخصية رائعة وهتحبى تتواجدى حوليه لتفاؤله وحبه للحياة، لازم تخاطبي عقلة قبل قلبة عشان تكسبيه في حياتك، رجل كريم، مخلص، بس متحاوليش تقيدى حريته لانه ممكن يفضل الموت عن انه يكون محبوس ومقيد!

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *